ازاي تترجم أي رسالة في ماسنجر بضغطة واحدة
الميزة الجديدة دي هتخليك تترجم أي رسالة بتجيلك بلغة مش فاهمها بشكل فوري في المحادثة. الفكرة دي هتكسر حاجز اللغة بالنسبة لناس كتير، وهتخليهم يتواصلوا مع مجتمعات تانية بكل سهولة. بصراحة، دي ميزة المفروض كل تطبيقات الدردشة تتبناها، خاصة واتساب، عشان المحادثات تبقى أكتر انفتاحًا وتنوعًا.
اول حاجه: حدث التطبيق
عشان تبدأ تستخدم الميزة، الأول لازم تتأكد إنك محمّل أحدث إصدار من ماسنجر على موبايلك (أندرويد أو آيفون). الميزة الجديدة دي بتوصل للمستخدمين بالتدريج، يعني مش كل الناس تظهرلها نفس الوقت. عشان كده، أدخل على متجر Play Store أو App Store، روح على قسم التحديثات، ودوس على "تحديث" اللي جمب تطبيق Messenger عشان تحمل الإصدار الجديد.
تاني حاجة: إزاي تستخدم ميزة الترجمة في ماسنجر
محتاجش تعمل حاجة، بمجرد ما تحدث التطبيق، الميزة هتكون شغالة عندك تلقائيًا. لو جاتلك رسالة بلغة مش فاهمها، كل اللي عليك إنك تروح للمحادثة بتاعتها، وتدوس مطول على الرسالة اللي عايز تترجمها. هتظهرلك شوية اختيارات تحت (أو قائمة منسدلة لو كنت على آيفون)، اختار من بينهم "ترجمة". التطبيق هيحدد لغة الرسالة بشكل تلقائي ويترجمهالك، وهتشوفها باللغة العربية (أو أي لغة انت مضبط التطبيق عليها). بعد كده، لو حبيت ترجع للأصل، دوس على "عرض الأصل" عشان تكمل المحادثة بشكل طبيعي.
حاجة كمان لازم تعرفها: شركة ميتا بتقول إنها عشان تترجملك الرسالة، بتبعت نصها لخوادمها بشكل آمن، وده بيشمل الدردشات اللي فيها تشفير كمان. لكن بتأكد إنها بتشيل معظم البيانات اللي بتعرف هوية المرسل قبل ما تبعته لخوادم الترجمة.
ليست هناك تعليقات:
إرسال تعليق